الاسم: الشربينى خطاب 
ملف شعراء عاميَّة
أدباتية مصر المحروسة
الشربيني خطاب
مدَّاحــــين
علي باب الله
شعراء عاميَّة
من بعد الفجر
قول بشوية
يسرحوا ف صفوف
يجمعوا ف حروف
سوده مصديَّة
وقعَّها الريح
ف بلاد مجاريح
نجوع أو ريف
*****
يرسموا بها حارة
تشبه لمغارة
ملهاش رصيف
أو بنت شقية
بعيون عسلية
ودم خفيف
كتبوا لها قصيدة
حروفها شجية
وغزلها عفيف
أو وردة نديَّة
حضنه صبحيَّة
أو نسمة صيف
فايته علي فناره
يهدوا بها حيارى
مطاريد أشكيف
جبان وعويل
يسمع ألحان
ثورة وبركان
أو غنوة ف ناي
شجي وحزين
أو تبقي غيطان
طرح الأوطان
قمح ومواويل
أو شجرة ظليلة
تطرح لنا ووردة
أو نص رغيف
نعمل به وليمة
يكفي كم عيلة
ومعاهم ضيف
******
رسموها عكاز
وكلام ألغاز
ساحب ف كفيف
أو فلكه شيخ
فاتح كُتَّاب
أو جوزة كيف
******
تطلع أغنية
أو ثورة عفية
أو قلب وسيف
ونشيد ملاغية
يسند في عجوز
عيان وضعيف
ــــــــــــــــــــــــــــــــــــــــــــــــــــــــ
شماريخ
سمير عبد الباقي
لليسار دُرْ
الست حميدة اليسارية
كانت في زمان سوفيتية
علشان جوزها سوفييتي
*****
دلوقتي بقت متخطيَّة
كل التفهات الفكرية
كل الأوهام الكتاكيتي
والحلقة بتشد الحلقة
ما الطبقة ما بقتش الطبقة
وخبيز أمها ما بقاش بيتي
******
عقبال عندك فيه دولارات
من كردستان للعيَّاط
بشيكات ع البنْد الفتافيتي
*****
ماالحزب اتنتفت جنحاته
وإتكَّعبلْ في حبال خلافاته
بحساب تكتيكي وتخطيطي
*****
ولهذا كله ـ ولذلك
سخطونا أهلي وزمالك
بسياسة جدورها عفريتي
*****
ترميك ع الضفة المضمونة
تلعب بالورقة المأمولة
إبرتـي أنا لضمْها ف خيطي
******
أنا عمري أروُبة وحويطة
لبساها أوُيه وتحويطة
وبكيفي باختار برنيطي
*****
ولأني ست وسياسية
برفع شعارتي الحربية
ثورية بمزاج هلافيتي
*****
ده حزبنا وإحنا الورثينه
بمزاجنا وحنطلَّع عينه
ما هو كل الأحلام حواديتي
*****
جتلك ع الطبطاب يا حمبدة
الحالة ما بقتش فريدة
الكل بيغرف سكيتي
كتبها الشربينى خطاب في 05:45 صباحاً ::
